Poslovne vijesti - Makedonija

Невработеноста падна на 29,9%

Стапката на невработеност во Македонија во првото тримесечје од годинава изнесува 29,9%, објави Државниот завод за статистика.

Стапката на невработеност во првиот квартал од минатата година изнесувала 30,6%.

Според објавените податоци, најголем дел од невработените се на возраст од 15 до 24 години - 53,5%, од 25 до 49 години се 28,3% и од 50 до 64 години се 24,8%.

Од невработените, 159.171 се со средно образование, 68.534 со основно, 40.183 со високо образование. Со незавршено основно образование се 10.566 лица, со вишо образование 3.936 и без образование се 2.433 лица. Во првото тримесечје од 2013 година активното население во Македонија брои 953.780 лица.